Kinezi dyvjeçar është duhanpirësi më i ri në botë

Një kinez dyvjeçar është djaloshi më i vogël në botë i cili pi
duhan, e krejt kjo “falë” babës së tij i cili personalisht e ka mësuar
si ta ndezë cigaren.Dyvjeçari Tong Liangliang ka lindur me
herni testikulare, e duke marrë parasysh se është tepër i ri për
operacion, baba i tij e ka mësuar të pi duhan për t’i përballuar
dhimbjet më lehtë.

Baba nuk ka qenë i vetëdijshëm për vesin që ia ka imponuar djalit të
tij, derisa çuni nuk ka filluar të pi çdo ditë e më shumë duhan. Tong
tani pi një paketë cigare në ditë, e kur t’i harxhohen cigaret,
djaloshi shtrihet në dysheme dhe fillon të bërtas, njoftojnë agjencitë.

Edhe pse Tong është duhanpirësi më i ri në botë, ai nuk do të
kategorizohet në Librin e Rekordeve Guinness sepse ata refuzojnë
promovimin e çfarëdo veseve të dëmshme për njeriun.