Në luftën e verërave derdhen 40.000 litra verë

Festivali tradicional i verës i cili mbahet në qytetin Haro në
veri të Spanjës çdo vit kalon me beteja që nuk kursejnë aspak, me
ç’rast pjesëmarrësit zbrazin verë nga revolet e ujit, bocave dhe
pajisjeve tjera.Rreth 40.000 litra verë janë derdhur në
Haro në festivalin tradicional të verës dhe betejës i cili çdo vit
mbahet më 29 qershor, në ditën e mbrojtësit të tyre Shën Pjetrit.

Njerëzit tubohen në mëngjes, të veshur në bluza të bardha dhe të
armatosur me boca, kova, pajisje të ndryshme dhe revole të ujit përplot
me verë.

Pos që i përmbahen garës dhe pirjes së verës, garuesit zbrazin verë në
njëri-tjetrin pa fije mëshire nga “armët” e përgatitura. Në festën e
këtij viti janë lagur rreth gjashtë mijë njerëz të cilët në shtëpi kanë
shkuar me bluza ngjyrë trëndafili, në vend të bardhave që i kishin
veshur në mëngjes.