Loja e fëmijëve çon në këmbë tërë qytezën

Dy gjashtëvjeçarë të cilët kanë gjetur kënaqësi duke ndërtuar
një central miniatural bërthamor kanë shkaktuar alarm të vërtetë në
qytezën gjermane Elde.Për të ndërtuar një reaktor të
centralit bërthamor, fëmijët të hënën kanë marrë shtëpizën e një
kompjuteri dhe “anash saj i kanë vendosur pllakatin me simbolin për
radioaktivitet, të shtypur nga interneti", pohon policia në deklaratën
e vet. Një kalimtar i rastit ka parë shtëpizën të cilën fëmijët e
kishin lënë përkohësisht dhe ka lajmëruar policinë.

Zjarrfikësit kanë mbyllur një pjesë të qytezës, derisa radio stacioni
lokal u ka bërë apel qytetarëve të qëndrojnë në shtëpitë e tyre.
Prindërit e gjashtëvjeçarëve e kanë kuptuar se fëmijët e tyre janë
shkaku i alarmit dhe kanë njoftuar policinë.