Prodhuesi lider i telefonave mobil, Nokia, në tremujorin e dytë ka paraqitur rënie të fitimit prej 71% në raport me të njëjtën periudhë të një viti më herët.
Nokia në tremujorin e dytë ka shënuar qarkullim prej 9.9 miliardë eurosh, që është rreth 25% më pak se një vit më herët, por edhe 7% më shumë se në tremujorit e parë, derisa fitimi ka rënë nga 1.47 miliardë në 427 milionë euro.
Në përgjithësi në tremujorin e dytë janë porositur 103,2 milionë telefona celular, që është një rënie prej rreth 15% në krahasim me të njëjtën periudhë të një viti më parë, por porositë janë rritur 11% në krahasim me tremujorin e parë të këtij viti.
Po ashtu është bërë e ditur se kompania ka rikthyer një pjesë të tregut të humbur në tremujorin e parë, respektivisht pjesëmarrja në tregun e përgjithshëm ndërkombëtar është rritur nga 38 në 41%.
