Njeriu më i shkurtër në botë ka vetëm 60 centimetra

Nepalezi vetëm 60 centimetra i lartë Khagendra Thapa Magar pret
njohjen nga Libri i Rekordeve Guinness që të merr titullin e njeriut më
të shkurtër në botë nga rekorderi kinez He Ping Ping i cili ka 73 metra
lartësi.“Buda i Vogël”, siç e quajnë në fshatin e tij të
lindjes, Khagendra në muajin tetor do të mbush 18 vjet dhe atëherë do
të mund të merr vendin e tij të merituar në mesin e rekorderëve. Me
peshë prej vetëm kilogramë e gjysmë, në vendin e tij është njeri shumë
me famë e madje edhe politikanët i janë bashkangjitur familjes së tij
në përpjekjet për të regjistruar në Librin e Rekordeve Guinness.

“Kur ka lindur ka pasur vetëm 600 gramë. Dukej sikur një zog të kishte
dalë nga veza. Pranoj se në fillim e kam pasur shumë të vështirë dhe
nuk kam dalë nga shtëpia, por sot jam krenare dhe mezi pres të
regjistrohet në Librin e Rekordeve Guinness”, ka thënë e ëma e tij
33-vjeçare Dhana Maya Thapa.

Edhe pse shkaku i rritjes së tij të vogël nuk është vërtetuar
zyrtarisht asnjëherë, doktorët nepalezë vlerësojnë se bëhet fjalë për
një çrregullim të punës së hipofizës. Përndryshe ka kondicion të mirë
fizik dhe nuk ka asnjë problem shëndetësor.

Khagendra që një vit nuk është rritur asnjë milimetër dhe prindërit e
tij vlerësojnë se më as nuk do të rritet. Duke marrë parasysh se ka
pasur problem me mësim dhe përcjelljen e rregullt të orëve të mësimit,
e kanë regjistruar një shkollë private ku mund të mësojë të shkrim e
lexim. Pesë herë në javë ai ndjek ligjëratat me program të veçantë,
derisa gjatë fundjavës u ndihmon prindërve në kopsht. Adhuron shikimin
e filmave karate dhe shpreson se do të bëhet valltar i famshëm.